Vásáhusat Lohkanmiella-skuvllain ja –girjerájuin

"Luohká vuogis bargat joavkkuin lea čielgasit ávki. Oahppit rávvejedje nubbi nuppiideaset ja čovde problemaid joavkkus. Oahppiin lei friijavuohta plánet ja hutkat ieš projeavttaid. Fidnsu deattuhuvve oktasašdoaibmama oahppama vuogit, mánás vuolgi ja nana oasálašvuohta."

"Teknologiija vehkiin leat ožžon lassimotivašuvnna lohkamii. Ávkkástallat dan ollu dieđuohcamis. Mediabajásgeassimis lahkonat máŋgga geahččanguovllus váldimin vuhtii aviissaid, digitála media ja girjjálašvuođa. Ávkkástallat ollu spealuid bokte oahppama buot luohkkádásiin."

"Skuvllas lea justa váldon geavahussii ođđa iPadit ja oahpaheaddjit fitnet skuvlejumiin. Bloggat leat vuođđuduvvon luohkáid geavahussii. Miella teknologiija ávkástallamii ja máŋggalohkandáiddu ovddideapmai oahpaheamis lea stuoris ja dan dehalašvuohta lea áddejuvvon.
Girjerádjoblogga mielde oahppanbiras viiddui."

"Lohkanmiela mielde luohkáide ordnejuvvojedje erenoamáš lohkančiegat, gos mánát ráfojedje lohkat girjjiid. Lassin luohkáide lea ráhkaduvvon girjeguoiggusčiegat /-beavddit. Hábmiimet maiddái oktasašbarggus guoibmás luohkkágirjerájuid, mat leat čiŋahuvvon guottáiguin, seahkkastuoluiguin, soffáiguin ja litnaduhkorasaiguin. Girjjit ledje luohkáin dábálaš eanet ja dat vuogáiduvve oassin oahppanbirrasa. Lohkanmiella buktui ovdan maiddái skuvlla váccahagain posteriid ja gihppagiid hámis. Lohkanmiella-logo oidno maiddái skuvlla, girjeráju ja gieldda neahttasiidduin. Girjeráju mánáidossodahkii giddejuvvui bivttasbáddi, masa heŋkejuvvojedje Lohkanmiela lasiheaddji briiffemat."

"Luohkáid fysihkalaš stohpogálvvut leat molsojuvvon sihke alla- ja vuolleskuvlla bealde. Luohkáin ovdamearkan pulpeahtat leat buhttejuvvon jorba bevddiiguin ja beavdejoavkkuiguin. Stuolutge lea molsojuvvon stuollomálliide, main leat jorrit vuolde ja ná álkit sirdit."

"Šat ii skuvla leamaš áidna biras, gos diehtu ohccojuvvo muhto ávkkástallojedje ruoktogávpoga fállan iešguđetlágan diehtogáldut."

"Lohkama mávssolašvuhtii lea giddejuvvon fuomášupmi korespábbagánddaid speallanmátkiin ja hárjeheaddji rávvaga mielde linjabiillas lea dollojuvvon diimmu guhkkosaš lohkanboddu, masa buohkat leat oassálastan. Girjerávvagiid addit leat čohkken fárrui mátkiid várás gánddaide heivvolaš lohkamuša. Dá nu lohkan lea ovttastuvvon ođđa vuogi mielde nuppelágan áiggeáji ollái."

"Spealu bokte oahpaheaddjis lei vejolašvuohta oahpásmit oahppiides beroštumi čuozáhagaide ja jurddamáilbmái, oahppiide fas spealuid bokte iežasa albmabuktin orru sidjiide alcces álki ja čielggas."

Máŋggalohkandáidui gullá čielgasit jurdda oasálašvuođas. Oasálašvuohta gáibida dieđu, dáiddu ja doarjaga ja lassin hárjehallama. Skibirrávvema geahččalan geahččaleaddji buvttii ovdan raportastis valljugasat justa dáid elemeanttaid, maid máŋggalohkandáidduid doarju pedagogalaš geavadagain galgá vuhtii váldit. Fidnu lea buorre ovdamearka das, mo oassálastin ja vástu addin bargojuvvo doarjumiin, lávki lávkki mielde hárjehallamiin:

"Muitalin skibirrávvejeaddjiide projeavtta ulbmila ja ovdamearkka mielde rávvejin sidjiide girjjiid seamma láhkai go sii galggašedje maŋŋelis rávvet nuppi luohkkálaččaide. Nuppi deaivvadangeardde viđatluohkkálaččat válmmaštalle ja hárjehalle skibirluohkáid rávvema… Skibirrávvejeaddjái juhkkojedje barggut, maid sii galge dikšut skibirluohká rávvendáhpáhusas … Oktasašdoaibman oidnui nu, ahte juohke luohkás ledje válljašuvvan rávvejeaddjijoavku, man juohkehaš lahtus lei iežas dehalaš bargu… Máŋggat deaivvadeamit ja plánengearddit doaimmas dahke vejolažžan oahppiid doaibmat aktiivalaččat … Iežan rolla nuppástuvai jođiheaddjin, go rávvenbarggut sirdašuvve oahppiide."